長隆馬戲團加野生動物世界兩day weekend 趕快遊

一年會去一次6,7日既旅行,但在中段時間,都希望可以簡單d玩吓,長隆係好出名,不過d入場費都幾貴,大人要兩佰元人仔入一個zoom,一家三口細路高過1米2入兩個場正價要比成千錢(嘩).
雖然上網可以去酒店網頁卜房,又可以上長隆網頁訂95折門票,但係睇過旅行社套票,價錢都OK.

今次簡左新華,兩人13XX,另加阿仔車費200及100保費,再唱左1300 ex 1100人仔,返香港後剩下來400.

長隆慳錢小技巧
最受歡迎3個園,馬戲團、歡樂世界、動物世界.每園成人180小童90
旅行社套票跟兩張成人一園票,因為阿仔已經有1.2米,要收小童價$90.(1.2以下免費),我地打算入馬戲團和動物園,我知道只有馬戲團、歡樂世界兩園有家庭樂套票$400,2大1小.便安排的兩張成人票為動物園,第一日睇馬戲團比400入場.
第二日只要比90買小童便ok.不過當日突發奇想,大陸既公斤吾同香港既公斤,所以(米)都可能吾同,最後闖關成功,小童免費跟大人入去.

第一日
星期六,當日我要返工至12:30,之後趕返屋企一齊落去鑽石山地鐵站搭直通巴直達祈福酒店(只有這家酒店先有14:00去19:20返既時間安排),不過去到酒店已經17:15,入到房望左一陣日落
 
酒店小評:都算大,乾淨.不過廁所就有d驚喜,有落地大玻璃加冇門鎖,公公婆婆同d56個人屈蛇就吾係好方便.


 
 
就要去食飯,去樓下既祈福食街,見到一家(客家人),喂老婆,你係客家人啊,食d間啦.好食.(食左80,有豆花送)

 
慢慢食,食到19:00都未食完,我問老婆,可能去到馬戲團今日星期六會full曬,不如酒店打保齡算啦,佢話去左睇吓先,入吾到去你一樣可以慳返400蚊.跟住打的去.比左廿蚊車錢.19:20分到了,買左菲跑呀跑,入到去吾算多人,開場時只有5成,坐位先到先坐(我地都算近).

之前睇左好多人評論馬戲團,好少人話差,啊!真係幾堅.

走啦,有巴士免費接住長隆地鐵站.跟住用4蚊3人坐10a巴士返酒店15分內.返房放低野,再落去打保齡,50蚊4局(荀)5蚊對鞋(吾荀)這裡至到23:00先收工.

第二日
8點起身,細路要加42蚊先一齊食酒店早餐,都好食好包,我地仲攞左兩條蕉走(陣間餵馬騮).

起行往動物世界,接駁巴士在南門下車,入場後便見到火烈鳥.跟住一直往北走,走到正門時轉乘小火車睇乘車遊覽區.跟住返回正門,再向南行,

必看的有老虎仔同熊貓.離開熊貓館便有幾個機動遊戲,必玩梗係碰碰車啦.最後進入旁邊非洲區返回南門離開.
 
中午叫左1個烏冬3個人食.亦都想早d出返去食餐勁.離開後返回祈福食街,幫襯好多人既農家菜,食飽飽後上車.
 

深圳東部華僑城-真實的虛擬世界(下篇)

到第二日,酒店樓下有麥當勞同肯德基,肯德基有粥同豆漿.
吃飽後打的再往華僑城闖關,到門時已經11時.
這次我們由右方出發,準備乘纜車登山,途經展館太空迷航,
跳出紙板形式,穿上這件太空衣,真係威威.大人都好想試.

到纜車啦!



到了雲海之橋比昨天來的時候,放晴很多,但各位朋友留意,這裡是山頂,比起山下(入口)低10度,好凍.
橋中又有個機動遊戲, 但怕怕.


都一把年紀,但其實我都好期待行吓e個U字橋,昨日來既時候大霧到看吾見橋.這日我錄低左每步.


HIGH 完啦!要往茶溪谷進發.


現在再要乘索道車後再轉小火車(排隊等上車是令人懊惱的事)

就係這架,好過癮.

嘩!我宜家喺邊度!

終於都落車啦,這裡叫茵特拉根鎮.

又要大殺照片一陣,不過係時候醫肚,見到家大眾化快餐店(津津)

吃飽就要往茶溪谷進發.

入面當然有一荼村,有小吃、茗茶等.


















出村後看見有條BBQ,係叫茶溪棧橋(超讚)

要留意,假日人多可能要排隊啊.出橋後行一陣便可以來到濕地花園,這時你會看見升空氣球,不過在海豚公園玩過便算了,而且我好祈待的七色花圃,快快來看看.














旁邊有個4季植物園參觀,之後已經冇電,一想到要出城時要坐火車1次+電車2次,OH GOD.
原來茵特拉根火車站旁有直通巴往城之入口.SO GOOD



離開小梅沙時大約6時.打的往商業城附近的領先環球美食自助餐.約大人一百蚊位,一家人食都幾OK.為多謝你地睇MYBLOG,送張過期COUPON比你地.

參考書籍

深圳東部華僑城-真實的虛擬世界(上篇)

好多網友都有講既行程，我都講，但會加d在城內既行法，點點感想.

先多謝網友A-提供羅湖火車站打的去大梅沙大約60幾元
多謝網友B-提供TravelChina.com訂酒店.好多人會問，點解吾直接上酒店網卜,我話你知,1千晚以上既酒店網站會好完善,點卜都ok,但幾百蚊晚既有一半都係死link,另外一半因為紅色假期吾比網上卜

最後最緊要thank you阿仔阿姨-介紹d個華僑城,從佢口中第一次聽到這地方.
"華僑城......係咪羅湖城隔離d商場""九百幾1位...... O CRAZY"
返深圳成千銀,吾係馬.
只好上網睇睇,華南城-都話係個商場,成千銀真奇怪,啊......有個字吾同
華僑城...........search............search..................search................................
.............嘩......................嘩.............................嘩................................堅吾堅???

講返行程,4月2日起行,一行4大2小朋友,從九龍塘火車到羅湖,再感受到香港人愛國情懷,過關時真吃力,選這日是希望避開跟國內同胞一起入城,但避吾開老天爺春降甘露.
過左關後就兩大一小打的去大梅沙雅蘭酒店,車費六拾幾蚊好ok. 到左酒店後兩間房比了其中一間我地放低行李,大伙兒便準便入城,我胆粗粗問吓門口的一架的士,4大2小去
華僑城,佢話15蚊,ok啦.的士在閘口停,我地仲要行兩個字先入到售票員處,買左4張大人聯票,小童免費.

以下是華僑城資訊___________________________________________________________

壹票玩兩天遊三園--大華興寺等三大景區的景區聯票價220元。

大俠谷、茶溪谷也可單獨入園，單日大俠谷和茶溪谷門票分別爲150元和130元。

推 出全國旅遊景區中首創的全新優惠措施——一票玩兩天、一票玩三園，即遊客憑一張景區聯票，可以第一天遊玩後，第二天繼續進入三大景區遊玩，享盡山海間無窮 歡樂。壹票玩兩天爲連續遊玩兩天，第壹天入園時保留好景區聯票存根，11：00—18：00在大俠谷或者茶溪谷出園處保存指紋，第二天憑聯票存根同時識別 指紋再次入園。

敬老愛幼樹新風優惠：（1） 國家級勞動範模、英雄模範、模範教師、三八紅旗手本人憑證書及身份證件免費入園。（2）70周歲以上的長者憑有效證件、持《深圳市敬老優待證》長者免費入 園；65-69周歲的長者憑有效證件半價入園。（3）身高1.2米以下的兒童（含1.2米）免費入園；身高1.2～1.5米（含1.5米）的兒童半價入 園。

_____________________________________________________________

我地準備左玩兩日.所以入場後要往左手邊影相作記錄(吾係打手指),第二日才可再來.

沿住左邊行,因為被迷人的風景和峽谷漂流船吸引着,經過左茵特拉根再往左行,看到地圖中的彩色玻就係旋轉木馬,亦係兩個小朋友的第一個遊戲.之後再往身旁乘鐵軌電車上山,因為係單程路,電車係倒後上山,可能因為d個行路打倒騰,導致及後的行程吾係咁順利......










天開始下雨,時間接近1時,下車後見到家餐廳,內進後得知冇散叫,68蚊位大人自助餐,ok啦.不過該店主打素食,炒菜心,西蘭花,番薯等....

出離跟地圖向右邊上山,往云海高地想睇那個特出U字橋,這時開始放雨加超大霧,而且溫度較之前低了5-8度(因為真係高地).乜鬼都睇吾到,我地博命向前走,一陣就到大峽谷纜車,帶來了點點興奮,落車後雨繼續落,好想走,往斜路向下行,見到表演場(咆哮山洪)睇睇時間,還有大約廿分鐘便開始.不景這處有個大天蓬檔雨,坐一陣希望再出太陽吧.人越來越多,雨越落越大.

這個咆哮山洪由4隻鬼 SORRY4位外籍朋友領銜演出,有咁多人睇佢地特別落力做SHOW,雖然最少有一半人只係為左避雨坐低,不過都幾攪笑兼夾臨完場時停雨,大家都發出歡呼聲.
可惜身上已經半濕透,去意已決,再往下行到達海菲德小鎮,嘩......超強,如果西九個天幕做到佢咁,就吾洗被拉倒.